By: JoMaque | September 20, 2020

Capiz — Patay ang 10 ka tuig nga bata nga lalaki sang natumbahan sang buri ang ila balay sa Pang-pang Norte, Mambusao, Capiz, mga las-6 kahapon sang aga, Setyembre 19.

Ginkilala ni Police Staff Sergeant Ivan Camacho, imbestigador sang Mambusao Police Station kay alyas Toto ang napatay.

Suno sa iya, nagakatulog ang bata sang natumba ang puno sa ila balay kag napilpilan sang atop ang bata.

Nagadigamo sa guwa sang balay ang iya mga ginikanan sang natabo ang insidente.

Suno kay Camacho, nagalaba sang 20-metros ang buri. Sang naglaslas suno sa iya ang bagyo Yolanda sa Capiz sang 2013, nautod ang buri kag nabilin ang puno sini.

Amat-amat nga nalaya ang puno kag kahapon sang aga lang natumba. Gindala pa sa Mambusao District Hospital ang bata pero gindeklarar nga dead-on-arrival.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply