By: JoMaque | September 20, 2020

240 ang nagdugang nga bag-o nga kaso sang COVID-19 sa Western Visayas subong nga adlaw, base sa case bulettin number 176 sang Department of Health 6.

231 diri ang local cases, duha ang resturning overseas Filipinos, isa ang LSI, kag may anum pa ka gina-verify ang classification.

Pinakamadamo sa mga nagdugang ang na-record sa Bacolod City nga may 95; Iloilo City nga may 51; Negros Occidental nga may 49; 16 sa Aklan; 15 sa Capiz; 13 sa Iloilo Province; kag isa sa Guimaras.

Nadugangan man sang 205 ang mga naka-recover nga ginabug-usan sang 155 ka taga-Bacolod City; 42 ka taga-Iloilo Province; Anum ka taga-Capiz; kag tag-isa ka taga-Antique kag Negros Occidental.

10 naman ang nagdugang sa mga napatay. Anum ang taga-Bacolod City kag apat ang taga-Negros Occidental. 9,044 na ang kabug-usan nga kaso sang COVID-19 sa rehiyon nga may 3,570 ka active cases. 5,326 na ang mga naka-recover kag 148 ang mga napatay. | via DOH 6

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply