By: Aine Grace Bravo

LEON, Ilo., September 21, 2020 — Tatlo ang patay, isa ang pilason sang na-aksidente ang delivery truck sang construction company sa Barangay Maliao, Leon las 4: 00 kaina sang hapon, Setyembre 21.

Ginkilala ang mga napatay kanday Marvin Soliba, driver sang truck; Jay Campo kag Krister Jhonn Taghap.

Lunsay may patal nga pilas sa ulo ang tatlo, suno kay PLT Sammy Gasataya, hepe sang Leon MPS.

Padayon naman nga gina-obserbaran sa ospital si Roel Campollio nga may pilas sa nagkalain-lain nga parte sang iya lawas.

Halin sa Bucari ang truck nga nag-deliver sang materials kag pauli na sa Barangay Buga sa diin naka-base ang construction company nga gina-obrahan sang mga nagasakay sang natabu ang aksidente.

Posible suno kay PLT Gasataya nga nadulaan sang kontrol ang driver paglab-ut sa likuon kag dulhugon nga porsyon sang karsada rasun nga ginbunggo niya na lang sa daku nga bato sa kilid nga nagresulta sa pagkatumba sang salakyan. | via Angel Mae Ciudad

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.