By: JoMaque | September 22, 2020

Iloilo City — Ginabanta sa 45 porsyento sang mga barangay halls sa Iloilo City ang wala pa sang kaugalingon nga kuntador.

Ginkumpirmar ni Liga ng mga Barangay Vice President kag Calumpang, Molo Punong Barangay Roberto Niño nga naga-tap sa streetlights ang mga barangay nga wala pa sang metrohan.

Gin-ako ni Niño nga lakip ang Calumpang sa mga barangay nga wala sang metrohan antes pa siya napilian nga punong barangay.

Suno kay Niño, kada katapusan sang tuig nagabayad ang mga barangay sa City Treasurer’s Office sang ila share sa elektrisidad.

Antes gina-aprubahan ang development plan sang kada barangay, gina-check ini sang City Budget Office agud mahibaluan kun makabulig ang gin-appropriate nga pundo para sa balayran sa elektrisidad.

May record suno sa iya ang Budget Office sang monthly billing sang kada barangay.        

Gin-athag naman ni Niño nga ginaproseso na sang mga barangay nga wala sang kuntador ang pagpatakud sang koneksyon sa MORE Power. | via Aksyon Firingline

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply