By: JoMaque | September 22, 2020

Iloilo City — Ginkumpirmar ni Mayor Jerry Treñas nga 29 na ang nagpositibo sa COVID-19 sa City Treasurer’s Office.

Bangud sini, nagapabilin nga sirado ang opisina tubtob buwas, Setyembre 22, para sa disinfection. Maga-resume, suno sa alkalde, ang operasyon sang CTO sa Mierkules, Setyembre 23, 2020.

Ginpahibalo man ni Treñas nga 58 na sa gin-swab sa CTO ang may negatibo nga resulta, kag lakip diri si City Treasurer Jinny Hermano.

Suno sa alkalde, ilakip na ang mga personnel sang CTO sa mga frontliners sang siyudad nga i-swab kada duha ka semana.

Iga-disinfect man ang City Hall tatlo ka beses kada semana agud masiguro nga safe ang mga nagahimo sang transaksyon.

Ginpahanumdom sang alkalde ang publiko nga may transaksyon sa City Hall nga magsunod sa ginapatuman nga health protocols. Gina-require ang tanan nga nagasulod nga magsuksok sang face mask kag face shield. May hand sanitizers kag thermal camera scanner man sa mga entrances, kag may markers sa sulod agud ma-practice ang physical distancing. Ginalimitahan man ang makasakay sa elevator. | via Firingline/Iloilo City Government

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply