By: JoMaque | September 21, 2020

ILOILO – Patay si Rolando Santos nga temporaryo naga-istar sa Poblacion, Sta. Barbara sang ginbuno sang kaupod sa pag-inum-inom nga si Cherry Ajelo (lalaki) sang Lambunao, Iloilo sa Barangay Tungay, Sta. Barbara kagab-i, Setyembre 20.

Suno kay Police Staff Sergeant Randolf Baiting, imbestigador sang Sta Barbara Police Station, magkaupod man nga naga-trabaho ang duha sa planta sang manokan sa Barangay Tungay.

Samtang naga-inum-inom sang makahulubog nga ilimnon nagbaisay ang duha tubtob naghangkatanay sang sumbaganay.

Lipod sa ihibalo sang biktima suno kay Baiting nga may kutsilyo ang suspek kag ginbuno niya sang makapila ka beses sa lawas ang biktima.

Patay on the spot ang biktima, dugang pa ni Baiting.

Nagpalagyo naman ang suspek kag padayon pa nga ginapangita sang kapulisan.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply