By: JoMaque | Setyembre 21, 2020

Iloilo City — Ginpa-athag ni Arguelles, Jaro Punong Barangay Eleodoro Ledesma ang rason kun nga wala pa sang kuntador ang ila barangay hall.

Suno kay Ledesma, may budget sila nga P12,000 nga ginatigana para sa isa ka tuig nila nga elektrisidad sang PECO pa ang power distributor sa Iloilo City.

Apang sang nagbulos na ang MORE Electric and Power Corporation, gin-require sila nga magpatakod sang kuntador sa ila barangay hall.

Dugang pa niya nga umpisa sang nagpungko siya nga punong barangay wala na sang kuntador ang barangay hall.

Ginsugo niya naman ang iya barangay treasurer nga hikuton ini apang wala nabaton bangud sa sala nga form ang ila gingamit tubtob nalipatan na sang iya treasurer.

Ginpahayag man ni Ledesma nga ginpasa na nila sa Liga ng mga Barangay ang ila form para sa pag-apply sang kuntador sa MORE Power.

Samtang, naka-custody gihapon sa Jaro Police Station si Ledesma bangud sa pagpahanugot niya sa isa ka residente niya nga mag-tap sang kuryente bisan nga illegal. | via Aksyon Angel Mae Ciudad

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply