By: JoMaque | September 22, 2020

Iloilo City — Nagapabilin nga 39 ka persons deprived of liberty (PDLs) sa Iloilo City District Jail-Male Dormitory sa Ungka, Jaro ang nagpositibo sa COVID-19.

18 naman ang nagpositibo nga mga personnel sang Bureau of Jail Management and Penology sa amo nga jail facility.

Suno kay BJMP 6 spokesperson Gilbert Peremne, tatlo sa walo ka una nga grupo sang mga personnel ang gin-swab matapos may napatay nga PDL nga nagguwa sang ulihi nga positibo sa COVID-19. Sang Setyembre 17, 29 ka dugang nga personnel ang gin-swab kag 15 sa ila ang nagpositibo, 13 ang negative kag isa ang nagahulat pa sang resulta.

Na-trace nga may direct contact ang isa ka nurse kag supervisor sa napatay nga PDL.

Pero wala, suno kay Peremne, sang contact sa guwa sang jail facility ang mga nagpositibo.

Paathag ni Peremne, naka-isolate sa separado nga barracks ang nagpositibo nga mga personnel, magluwas sa isa nga naka-confine sa ospital pero maayo naman ang kondisyon.

Natalana naman isaylo sa Ligtas COVID Center sang BJMP sa Dumalag, Capiz ang 39 ka PDLs nga nagpositibo agud didto magpa-ayo.

Ang 17 ka personnel nga may negatibo nga resulta sang RT-PCR test ang naga-secure kag nagahimo sang iban pa nga function sa jail facility, suno kay Peremne. Samtang, may yara man nga outside support group nga nagabulig sa pagbantay sa guwa sang facility. | via FIRINGLINE

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply