DILG 6, nagapangita sang 3,306 contact tracers sa Western Visayas; Mga Criminology students, prayoridad sa pag-hire
By: JoMaque | September 22, 2020
Iloilo City — 3,306 ka mga indibidwal ang i-hire sang DILG 6 para mangin contact tracers sa padayon nga pag-aksyon sang gobyerno sa COVID-19 threat.
Suno kay Mr. Rene Ato, designated spoksperson for contact tracing sa DILG6, indi magnubo sa P18,000 kada bulan ang sweldo sang ma-hire kag magalawig ini tubtob sa Disyembre.
Prayoridad sa pag-hire ang mga criminology students agud may background sa investigation kag contact tracing apang bukas man ini sa iban pa.
Kinahanglan lang magsumiter sang letter of intent, resume (Personal Data Sheet), NBI clearance, kag drug test result sa pinakamalapit nga DILG office.
Ang ma-hire nga contact tracers ang ma-augment sa mga Local Government Units. | via Aksyon Aljohn Torreta