By: JoMaque | September 23, 2020

Iloilo City — 13 ka barangay sa Iloilo City ang ginpa-idalum sa lima ka adlaw nga total lockdown bangud sang masobra tatlo ka kaso sang COVID-19.

Base sa Executive Order Number 148 nga ginpaguwa ni Mayor Jerry Treñas, nag-epekto ang total lockdown las-6 kagab-i kag magalawig tubtob las-5:59 sang hapon sa Setyembre 27.

Ang mga barangay nga naka-total lockdown amo ang Simon Ledesma, San Isido kag M.H. del Pilar sa Jaro; Bolilao, Mandurriao; Calumpang, Molo; Concepcion, City Proper; Sooc, Arevalo; Aguinaldo, La Paz kag Mansaya, Bo. Obrero, Punong, kag Lapuz Sur sa Lapuz.

Sa nakaligad nga tatlo ka adlaw, nakita sang contact tracing teams nga may local transmission kag new cases sa 13 ka barangay.

Kinahanglan ma-trace ang ginhalinan sang new cases, suno sa alkalde, agud nga mapunggan nga maglapta.

Magluwas sa paghimo sang contact tracing kag RT-PCR test, istrikto man nga ipatuman ang temprano nag curfew halin las-otso sa gab-i tubtob las-kuwatro sa kaagahon, liquor ban, “stay-at-home” order kag restriction sa pagbiyahe.

Mangita man sang pondo ang siyudad agud makahatag sang food assistance sa mga apektado sang total lockdown.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply