VIRAL | Maestro, naakig sang nagrason ang estudyante nga wala siya sang signal sa ila online class

By: Aine Grace Bravo

ILOILO, September 24, 2020 — Nag-ani sang lain-lain nga reaksyon ang video sang porsyon sang online class nga gin-post sa Facebook sa diin makita ang maestro nga naakig sang naghambal ang isa sa mga estudyante nga indi maayo ang iya signal.

Makita sa video ang maestro sang naghambal nga, “bal-an mo gali waay ka signal, sagi ka pa-enroll. Indi ka sarang signal mo, ngaa nagpa-enroll ka pa? Saka ka sa babaw lubi kun gusto mo.”

Nalab-ut sang Aksyon Radyo ang iloy sang isa sa mga estudyante, apang ginpabutyag niya nga istoryahan pa sang ila pamilya ang natabu.

Ginlab-ut man sang Aksyon Radyo ang maestro, pero wala pa siya nakasabat.

Gilayon naman nga nagpagguwa sang official statement ang Western Institute of Technology sa diin ila gin-ako nga faculty member nila ang maestro sa video.

I-click para sa statement sang eskwelahan: https://bit.ly/2RTPFqE

I-click para makita ang portion sang video: https://bit.ly/3cq7h72

| via Farrah Mae Morano