By: Aine Grace Bravo, Aksyon Radyo Iloilo

ILOILO CITY, September 24, 2020 – Gin-aprubahan sang national Inter-Agency Task Force ang rekomendasyon sang Iloilo City COVID-19 task force nga ipa-idalum ang siyudad sa 15 ka adlaw nga modified Enhanced Community Quarantine (MECQ).

Ginkumpirmar ini ni Mayor Jerry Treñas sa interview sa programa Firingline sang Aksyon Radyo Iloilo subong nga gab-i.

Suno sa alkalde, ginpahibalo siya ni National Task Force against COVID-19 Chairman Delfin Lorenzana nga gin-aprubahan sang IATF kaina sang hapon ang rekomendasyon kag epektibu subong nga adlaw tubtob Oktubre 9, 2020

Sa idalum sang MECQ, ginpahayag ni Mayor Treñas nga ipatuman ang bag-o nga guidelines nga nabutang sa Executive Order No. 149 series of 2020 nga iya ginpirmahan subong nga adlaw.

Gin-athag sang alkalde nga wala sang border restrictions kag padayon man ang pagbiyahe sang tanan nga public transport, pero istrikto nga ipatuman ang 1-meter physical distancing.

Ipatuman man ang liquor ban kag 9pm-4am nga curfew.

Pasugtan ang 30% capacity sa hotels kag iban pa nga accommodation establishments, pero dapat nga na-accredit sila kag ginpahanugutan sang Department of Tourism, kag gina-implementar ang naga-egsister nga MECQ protocols.

Sa Section 2.3., pahanugutan ang 50% capacity sang dine-in services para sa dining establishments, restaurants, kag food establishments, pero dapat nasunod ang existing MECQ protocols.

Base sa EO 149, hugot nga ginadumilian ang masunod nga mga industries kag activities:

*bulang;

*pag-operate sang beerhouses kag kapareho nga establishments nga ang nagapanguna nga negosyo amo ang pagserbe sang makahulubog nga ilimnon;

*children’s amusement industries (playrooms, rides kag kapareho nga establishments);

*barbershops, salons kag kapareho nga establishments;

*tanan nga establishments nga nagatanyag sang personal care kag aesthetic procedures, services;

*gyms kag fitness studios (lakip ang sports facilities);

*testing and tutorial services;

*review centers;

*internet cafes, magluwas lang kun ang computer kag internet services ang ginagamit lang sa educational purposes ukon sa trabaho;

*drive-in cinemas;

*pet grooming services;

*language, driving, dance/acting/voice schools;

*libraries, archives, museums kag cultural centers;

*tourist destinations (e.g. water parks, beaches, resorts kag kapareho nga establishments);

*travel agencies, tour operators, reservation services kag kapareho nga establishments;

*tattoo kag body piercing;

*live events, lakip ang mga conferences, seminars kag kapareho nga gatherings; kag

*iban pa nga klase sang unauthorized public gatherings

Gina-advise naman sa mga immuno-compromised nga mag-stay at home, lakip na ang mga nagabusong kag persons with disabilities.

Sa mga establishments kag negosyo nga wala nalakip sa prohibition, pwede maka-operate, pero dapat istrikto nga mag-comply sa “minimum health standards and safety measures and shall operate at 50% venue capacity, except those allowed to operate at 100% for category I, II and III establishments, pursuant to MECQ protocols under DTI MC No. 20-44, s. 2020. However, attendees and participants of religious services, ceremonies, and other like celebrations and gatherings shall be limited to 30% of the venue capacity.” (Section 2.4) | via Firingline

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.