By: Aine Grace Bravo

METRO MANILA, September 24, 2020 — Gin-report sang Department of Health nga nagalab-ut na sa 296,755 ang COVID-19 cases sa bug-os nga pungsod, kasunod sang 2,180 ka bag-o nga mga kaso subong nga adlaw, Setyembre 24.

Gin-anunsyar man sang DOH ang 580 new recoveries. Nagdala ini sang total recoveries sa 231,928.

36 naman ang nadugang nga napatay. Bangud sini, 5,127 na ang COVID-19 related deaths sa pungsod.

Ang mga lugar nga may may pinakamadamo nga bag-o nga kaso amo ang:

NCR – 802

Laguna – 292

Batangas – 152

Cavite – 144

Negros Occidental – 87

Samtang, siyam (9) ka laboratories ang wala nakasumiter sang ila data sa COVID-19 Data Repository System (CDRS) kahapon, Setyembre 23, gani wala nalakip ang ila naproseso nga mga specimen sa national bulletin subong nga adlaw. | via DOH

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.