By: JoMaque | September 24, 2020

Iloilo City – Nagnubo sang 93% ang na-record nga mga kaso sang dengue sa Western Visayas ipaanggid sang nagligad nga tuig.

Sa data sang Department of Health 6, 3,299 ang kaso sang dengue sa Western Visayas halin Enero 1 tubtob Setyembre 5, naglab-ut lang sa 3,299 ang na-record nga kaso sang dengue ipaanggid sa 48,081 sa kasubong nga period sang nagligad nga tuig.

May pinakamataas nga kaso sang dengue sa Negros Occidental nga naglab-ut sa 1,070; ginsundan sang probinsya sang Iloilo nga may 612; 457 sa Aklan; 343 sa Antique; 315 sa Capiz; 222 sa Iloilo City; 159 sa Bacolod City, kag 82 sa Guimaras.

39 ang ginkabig nga ‘others’ sang DOH 6.

Nagnubo naman sa 10 ang na-record nga napatay ipaanggid sa 211 sang nagligad nga tuig.

Suno kay Dr. Marie Jocelyn Te, designated spokesperson sang DOH 6, dako ang nabulig sang pagtenir sa balay kag pagpaninlo sa pagnubo sang kaso sang dengue.

Dugang niya, may cycle man ang pagtaas sang kaso sang dengue.

Gindeklarar ang dengue outbreak sa Western Visayas sang 2019.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply