DOH 6, naka-record sang 282 new COVID-19 cases sa Western Visayas

By: Aine Grace Bravo

ILOILO CITY, September 25, 2020 — 282 ka bag-o nga kaso sang COVID-19, 108 ka bag-o nga naka-recover kag siyam (9) ka napatay ang na-record sang Department of Health 6 sa Western Visayas subong nga adlaw, Setyembre 25.

Bangud sini, nagalab-ut na sa 10,515 ang kaso sang COVID-19 sa rehiyon –3,864 pa ang active; 6,434 ang total recoveries kag 217 ang napatay.

Sa bag-o nga mga kaso, 244 ang local cases ukon wala sang travel history sa guwa sang rehiyon, 11 ang LSIs, tatlo (3) ang ROFs, isa (1) ang APOR kag 23 pa ang gina-verify ang status.

May pinakamadamo nga na-record nga bag-o nga kaso ang Bacolod City nga may 162; ginsundan sang Negros Occidental nga may 67, Iloilo City – 33, Iloilo Province – 10, Capiz – 6, Guimaras – 3 kag Antique – 1.

Na-record naman ang new recoveries sa Bacolod City -53, Iloilo City -22, Aklan -18, Capiz -14, kag Guimaras -1.

Samtang, nagdugang sa napatay ang lima (5) halin sa capiz, duha (2) halin sa Bacolod City kag tag-isa (1) halin sa Negros Occidental kag Guimaras. | via DOH 6