Lima ka adlaw nga total lockdown sa 13 ka kabarangayan sa Iloilo City, magatakop subong nga adlaw
By: JoMaque | Setyembre 27, 2020
Iloilo City — Matapos na ang lima ka adlaw nga total lockdown sang 13 ka barangay nga una gin-lockdown sa Iloilo City subong nga adlaw.
Suno kay COVID-19 team designated spokesperson Jeck Conlu, sa 13 ka barangay duha ukon tatlo lang ang posible i-extend ang lockdown pero depende pa sa rekomendasyon.
Base sa Executive Order Number 148 nga ginpagguwa ni Mayor Jerry TreƱas, nag-epekto ang total lockdown las-6 sang gab-i sang Setyembre 23 kag magalawig tubtob las-5:59 karon sa hapon, Setyembre 27.
Ang mga barangay nga naka-total lockdown amo ang Simon Ledesma, San Isidro kag M.H. del Pilar sa Jaro; Bolilao, Mandurriao; Calumpang, Molo; Concepcion, City Proper; Sooc, Arevalo; Aguinaldo, La Paz kag Mansaya, Bo. Obrero, Punong, kag Lapuz Sur sa Lapuz.