By: Aine Grace Bravo

ILOILO CITY, September 28, 2020 — Naglapaw na sa 11,000 ang kaso sang COVID-19 sa Western Visayas.

Sa Case Bulletin No. 185 sang DOH 6, nadugang ang 247 ka bag-o nga kaso subong nga adlaw, Setyembre 28. Nagdala ini sa total cases sa 11,215 sa rehiyon -4,107 pa ang active cases.

Sa bag-o nga kaso, 224 gid ang local cases ukon wala sang travel history sa guwa sang rehiyon, 18 ang LSIs, apat ang ROFs, kag isa ka APOR.

Gin-report man sang DOH nga sa new cases, 67 ang halin sa Negros Occidental; 56 sa Bacolod City; 53 sa Iloilo City; 45 sa Capiz; 22 sa Iloilo Province; kag tag-duha sa Aklan kag Guimaras. Wala sang bag-o nga kaso sa Antique.

79 new recoveries kag 19 new deaths man ang nadugang. Bangud sini, nagsaka sa 6,867 ang total recoveries kag 241 ang total deaths bangud sa COVID-19. | Via DOH 6

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.