Ajuy LGU, nanginwala nga nagapanukot sa sa mga nagapauli nga LSIs agud sugaton sa airport kag dal-un sa quarantine facilities

By: JoMaque | Setyembre 29, 2020

ILOILO – – Nanginwala si Ajuy Mayor Jett Rojas nga nagapanukot ang LGU sa nagapauli nga locally stranded individual agud sugaton sa airport kag dal-on sa quarantine facility.

Suno kay Rojas, sang nagsugod ang COVID-19 pandemic, nagasugat ang banwa sang mga LSIs kag ROFs gamit ang ambulansya sang banwa kag vans nga gin-arkilahan sang LGU.

Gin-athag sang alkalde nga LGU ang nagabayad sa pagsugat sa LSI ukon ROF kun na-coordinate sa ila ang pagpauli.

Pwede gid suno kay Rojas nga maka-report sa iya paagi sa Ajuy Mayor Facebook page kun may reklamo.

Gin-ako naman ni Rojas nga may tiun sang damlag lang nga truck sang banwa ang nagsugat sa LSIs bangud na-aberya ang ambulansya kag kahapon lang nagbalik sugat ang gina-arkilahan nga van.

Wala naman sang problema sa quarantine facilities sang mga taga-Ajuy, suno kay Rojas.

Pwede nga makapili ang LSI ukon ROF kun mapa-quarantine sa gin-arkilahan ang LGU nga bed and breakfast sa Mandurriao, sa qurantine facility sang barangay, mga bahay kubo sa banwa, ukon sa mountain resort sa isa ka barangay sa Ajuy. |via Firingline