By: Aine Grace Bravo

ILOILO CITY, September 29, 2020 — Naka-record sang 199 ka bag-o nga kaso sang COVID-19 sa Western Visayas subong nga adlaw.

Bangud sini, nagalab-ut na sa 11,413 ang total cases sa rehiyon.

Gin-report man sang DOH 6 ang 142 new recoveries kag duha (2) ka new deaths. Nagdala ini sang total recoveries sa 7,009 kag total deaths sa 243.

Sa new cases, 192 ang local cases ukon wala sang travel history sa guwa sang rehiyon, samtang pito (7) ang locally stranded individuals.

May pinakamadamo nga new cases ang Iloilo City nga may 93; nagasunod ang Negros Occidental -41; Bacolod City -22; Iloilo Province -14; Guimaras -12; Capiz -9 kag Aklan -8.

Naghalin naman ang new deaths sa Iloilo City kag Negros Occidental. | via DOH 6

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.