By: JoMaque | Setyembre 30, 2020

Iloilo City — Pwede na maka-isyu sang citation ticket ang mga punong barangays sa siyudad sang Iloilo batuk sa mga nagalapas sa ordinansa sa pagsuksok sang face mask kag pag-obserbar sang physical distancing.

Suno kay Executive Assistant for Barangay Affairs Fernando Jose Rico, compliance team leader, gin-deputize na kaina ang 180 ka punong barangay.

Daku ini nga bulig, suno kay Rico, agud mas madamo ang magabantay kag magpasiguro nga nasunod ang mga ordinansa nga nagatuyo nga mapunggan ang paglapta sang COVID-19.

Magluwas sa 239 ka compliance officers sang siyudad kag 180 ka kapitan nga gin-deputize, may mga pulis naman nga gin-deputize, suno pa kay Rico.

Ginabanta ni Rico sa 1,500 na ang ila na-isyuhan sang citation ticket halin Hulyo tubtob Setyembre 18, 2020. Kalabanan nga violators, suno kay Rico ang wala nagasuksok sang face mask ukon indi ensakto ang pagsuksok sang face mask. | via FIRINGLINE

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply