By: JoMaque | Setyembre 30, 2020

Ginakwestyon kag ginapamatukan ni Buenavista Mayor Eugenio Reyes ang pagbutang sang Rapid Test Station sa Buenavista Wharf.

Suno sa alkalde, mismo ang Department of Health ang naghambal nga indi masaligan ang resulta sang Rapid Test bangud sang mataas nga false positive kag false negative nga mga resulta, “Ginakwestyon naton ini kag gina-oponeran
kay indi man reliable kag indi accurate ang resulta sang Rapid Test sa mga pumuluyo nga maga-travel sobra 2 days dira sa siyudad sang Iloilo.”

Gin-ako ni Reyes nga nagpadala sang sulat sa iya ang opisina ni Governor Samuel Gumarin parte sa amo nga inisyatibo kag ginbalusan niya man sang sulat nga naga-inquire sa gobernador sang reliability sang Rapid test.

Sa ila sabat sa sulat ni Reyes, gin-ako sang provincial government nga indi gold standard ang Rapid Test pero ang mga medical authorities sang probinsiya nagpahayag nga kabahin ini sang dugang nga protocol batok sa COVID-19.

Ginhinambit man ni Reyes nga sa Buenavista pa lang ini ibutang. Daku suno sa iya ang mangin epekto sini bangud posible nga sa Jordan naman maagi ang mga tawo agud makalikaw sa Rapid Test sa Buenavista.

Sa interview sang Aksyon Radyo kay Vice Governor John Edward Gando kahapon, Setyembre 28, ginkumpirmar niya nga ipatuman sa masunod nga semana ang executive order nga nagaplastar sang bag-o nga guidelines sa pagguwa-sulod sa isla.

Sa probisyon sang EO, iga-require ang negatibo nga Rapid test sa mga taga-Guimaras nga nakatenir sa guwa sang isla sang duha ka sunod nga gab-i agud pasugtan liwat nga makabiyahe pagguwa sa Guimaras.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply