By: Aine Grace Bravo/Jeremae Ventar

Agud may ibakal sang cellphone para sa online class
SOLTERITO NGA NAGPANGUMA, NAUTDAN SANG DUHA KA TUDLO SA KAMOT SANG NALAB-UT SANG BLADE SANG BLOWER; SOLTERITO, NAGPOSITIBO PA GID SA COVID-19

By: Jeremae Ventar| September 30, 2020, 9:35AM
Aksyon Radyo Iloilo

ILOILO, September 30, 2020 — Nautod ang duha ka tudlo sa wala nga kamot ni Aaron Regalado, 13-anyos, Grade 8 student sang Sta. Barbara.

Sa panaysayon sang iya iloy nga si Erlie, Setyembre 9 sang aga, nagdesisyon si Aaron nga magkadto sa talamnan kag magbulig sa pag-blower agud may inugbakal sang cellphone para sa iya online class.

Pagkatapos namahaw, nagbalik si Aaron sa talamnan.

Apang, makaligad ang pila ka minutos, nakita na lang ni Erlie ang iya bata nga nagaduko.

Sang ginpalapitan, nakita sang iloy ang tunga nga tudlo kag palasingsingan sang bata nga yara na sa duta.

Posible suno kay Erlie nga wala natalupangdan ni Aaron nga naga-andar na ang blower.

Gindala sa Western Visayas Medical Center si Aaron kag nagtenir sang duha ka semana.

Apang, may nagpositibo sa COVID-19 nga kaupod sa ward si Aaron rason nga ginpaidalom siya sa RT-PCR test lakip na ang iya iloy, amay, kag tiyo.

Nagpositibo sa COVID si Aaron kag gindala sa quarantine facility sang Sta. Barbara sang Setyembre 21, kaupod ang iya amay, iloy kag tiyo nga nagahulat sang ila RT-PCR test results

Ang amay ni Aaron ang construction worker samtang ang iya iloy naman ang wala sang trabaho.

Si Aaron ang may duha pa ka mga manghod.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.