Theft kag robbery cases sa Probinsya sang Iloilo, nagnubo subong nga tuig sa implementasyon sang community quarantine

By: JoMaque | Setyembre 30, 2020

Iloilo — Nagnubo ang na-record nga theft and robbery cases sa probinsya sang Iloilo sugod sang Marso tubtob subong nga bulan sa implementasyon sang community quarantine.

Base sa data sang Iloilo Provincial Police Office, 79 ang narecord nga kaso sang robbery sang 2019 halin Marso tubtob Setyembre.

20 lang ang narecord nga robbery cases sa probinsya sa kasubong nga period subong nga tuig.

Sa theft cases naman, 106 ang na-record halin Marso tubtob Setyembre sang 2019 samtang 30 lang ang na-record subong nga tuig.

Suno kay Col. Gilbert Gorero, OIC sa IPPO, limitado ang pagiyo kag masami nga nagtenir sa ila balay ang publiko bangud sang community quarantine.

Nagpahanumdom naman si Gorero sa publiko nga dapat sa gihapon mag-alerto kag seguraduhon nga nabutang sa safety ang ila mga propedad. | via Aksyon Aljon Torreta