DOH 6, naka-record sang 122 new cases sa Western Visayas kahapon, Oktubre 4

By: JoMaque | Oktubre 5, 2020

Gin-report sang Department of Health 6 ang 122 ka bag-o nga kaso sang COVID-19 kag 481 new recoveries sa Western Visayas kagab-i.

Wala naman sang ginreport ang DOH 6 nga napatay.

Sa case bulletin no.191 nga ginpaguwa sang DOH 6 kagab-i, nagalab-ut na sa 12,321 ang total cases sang COVID-19 sa rehiyon; 3,661 pa diri ang active cases; 8,398 ang total recoveries kag 262 ang total deaths.

Na-record ang bag-o nga mga kaso sa Iloilo City nga may 85, Iloilo Province nga may 22, Bacolod City nga may 10, Negros Occidental nga may 3, kag Aklan kag Antique nga may tag-isa.

Wala naman sang bag-o nga kaso sa Guimaras.