By: JoMaque | Oktubre 5, 2020

ILOILO CITY — Ginhingyo liwat ni Iloilo City Mayor Jerry Treñas ang kooperasyon kag suporta sang mga Ilonggo agud mabatuan ang COVID-19.

Ini bangud suno sa alkalde nga indi mangin madinalag-on ang away kontra COVID-19 kun wala sang panikasog kag aksyon sang komunidad.

Tubtob nga wala gina-proteksyunan ang kaugalingon, indi gid magmadinalag-on ang siyudad sa pagbato sa COVID-19 ilabe pa nga buksan ang madamo nga negosyo agud mabatak ang ekonomiya sang siyudad.

Nagpanugyan ang alkalde nga indi na magpasaway kag maghalong bangud kun padayon nga mangin bulag, bungol kag dungol, indi gid makabalik ang siyudad sa normal.

Nagapangayo ang alkalde sang bulig sang publiko bangud gina-ako niya nga malayo pa ang katubtuban sang pagpakig-away sa COVID-19 kag kinahanglan ang buligay sang kada isa agud mapataas ang chansa sang survival kag masustiner ang nasuguran kag indi mausik ang nahimuan sang siyudad.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply