Masobra 1.7 million ka mga estudyante sa mga public schools sa Western Visayas, magabalik klase paagi sa distance learning sugod subong, Oktubre 5

By: JoMaque | Oktubre 5, 2020

Iloilo — Preparado ang tanan sa pagbukas sang klase sa pampubliko nga mga eskwelahan subong nga adlaw suno kay Dr. Leah Belleza, spokesperson sang Department of Education 6.

As of October 2 nga data sang ahensya, nagalab-ut na sa 1,754,067 ka mga estudyante halin sa Kindergarten pakadto sa Senior high School ang nakapa-enroll sa rehiyon.

Ini ang 97.9% sa numero sang mga estudyante nga nagpa-enroll sang nagligad nga Academic Year.

Indi pa mahibaluan kun pila sa amo nga numero ang naga-modular learning, online learning, TV-based ukon radio-based instructions ukon blended learning.

Dapat naman gamiton sang maayo sang mga estudyante ang ila oras sa pag-eskwela.

Mahimo sila maka-contact sa ila manunudlo kun nabudlayan sa pagtuon ukon may mga pamangkot.

Naga-apelar man ang DepEd sa mga ginikanan nga suportahan kag i-monitor ang ila mga estudyante.