Passi City Assessor’s Office, gin-lockdown bangud sa pagpositibo sa COVID-19 sang isa ka empleyado -Mayor Palmares
By: Aine Grace Bravo
PASSI CITY, Ilo., October 5, 2020 — Ginpa-lockdown ni Mayor Stephen Palmares ang Assessor’s Office matapos nagpositibo sa COVID-19 ang isa ka empleyado.
Suno kay Palmares, nagguwa kahapon, Oktubre 4, ang resulta sang RT-PCR test sang empleyado nga positibo ang resulta.
Ginpa-swab ang iban pa nga empleyado sang opisina. Nagpangayo naman sang paghangup si Mayor Palmares sa pag-untat sang tanan nga transaksyon sa amo nga opisina.
Magabalik lang suno sa alkalde ang operasyon sang Assessor’s Office kun magguwa na ang resulta sang RT-PCR tests sang tanan nga empleyado.
Gin-quarantine na ang nagpositibo nga empleyado, upod sa iya bana nga positibo man sa COVID-19. | via BBB