By: JoMaque | Oktubre 6, 2020

ILOILO CITY — Wala sang reklamo nga nabaton ang Department of Education (DepEd) 6 sa una nga adlaw sang klase paagi sa distance learning modalities kahapon, Oktubre 5.

Suno kay DepEd 6 Spokesperson Dr. Lea Belleza, may ginpahamtang nga help desks sa DepEd Regional Office, Schools Division Offices kag mga eskwelahan.

May nakita sila nga post suno sa iya nga matalunsay ang online kag modular classes pero padayon pa ang pagtipon sang feedback halin sa field sa mga nagkalatabo sa pagbukas sang klase.

Gin-ako ni Belleza nga may nalista man nga problema ang DepEd lakip na ang mga eskwelahan nga kaina lang nagpanagtag sang modules kag bwas. Oktubre 6 pa lang masugod sang modular class.

Ginakabig man nila nga panghangkat ang problema sa internet connection ilabe pa nga nagdululungan ang online classes.

Kun may concern suno sa iya, gina-encourage sang DepEd 6 nga ipalab-ot ini sa lebel sang eskwelahan para masolbar.

Pero kun indi na madala, ginpasiguro ni Belleza nga bukas ang DepEd Tayo Western Visayas Facebook page para magbaton sang mga concern agud maaksyonan.| Via PM Reports

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply