By: Aine Grace Bravo/Ariel Soilacito, Aksyon Radyo Iloilo

METRO MANILA, October 6, 2020 — Nagpangatlo ang Iloilo sa may pinakamadamo nga bag-o nga kaso sang COVID-19 sa Pilipinas subong nga adlaw, Oktubre 6.

Base sa case bulletin nga ginapaguwa sang Department of Health las-4 subong nga hapon, 2,093 ka bag-o nga kaso ang nadugang sa pungsod.

Magluwas sa Iloilo nga may 166 cases, sulod man sa top 5 nga may pinakamadamo nga bag-o nga kaso ang National Capital Region nga may 557, Cavite nga may 253, Bulacan nga may 124, kag Batangas nga may 118.

Sa kabug-usan, 326,833 na ang kaso sa Pilipinas –47,655 pa diri ang active cases.

Gin-report man sang DOH ang 209 new recoveries kag 25 new deaths.

Bangud sini, yara na sa 273,313 ang total recoveries samtang 5,865 ang total deaths sa pungsod. | Via DOH

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.