By: Aine Grace Bravo, Aksyon Radyo Iloilo

PASSI CITY, Ilo., October 6, 2020 — Nadugangan sang 11 ang positibo nga COVID-19 cases sa siyudad.

Ginkumpirmar ini ni Mayor Stephen Palmares.

Suno sa alkalde, gilayon sila naghimo sang contact tracing agud ma-identify ang close contacts sang mga bag-o nga nagpositibo.

Liwat nagpanawagan ang alkalde sa mga residente nga magkooperar, magsunod sa health protocols kag likawan ang pagpalapta sang sala nga impormasyon.

Ang Passi City, may 63 ka COVID-19 cases, suno kay Mayor Palmares.

Sa record sang siyudad as of October 4, 44 na ang naka-recover. | via LGU Passi City

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.