By: Aine Grace Bravo, Aksyon Radyo Iloilo

SAN DIONISIO, Ilo., October 6, 2020 — Ginkumpirmar sang Rural Health Unit sang San Dionisio ang lima ka kumpirmado nga bag-o nga kaso sang COVID-19 sa banwa.

Base sa Case Bulletin sang RHU subong nga adlaw, Oktubre 6, ang lima ka new cases lunsay close contacts ni patient SD No. 24, ang una nga mortality cases sang banwa.

Nagapadayon ang contact tracing, samtang ang 39 ka na-identify nga close contacts ang na-skedyul na nga i-swab.

Gindala naman sa quarantine facility ang mga nagpositibo.

Ang San Dionisio, may 29 ka total cases sang COVID-19 –lima ang active, 23 ang naka-recover na kag isa ang napatay.

Ginsulit sang RHU ang panawagan sa pumuluyo nga padayon i-practice ang health protocols pareho sang masami nga pagpanghugas sang kamot, pagsuksok sang face mask kag pag-obserbar sang physical distancing. | via San Dionisio RHU

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.