Western Visayas, naka-record sang 193 new COVID-19 cases, 163 new recoveries, 9 new deaths

By: Aine Grace Bravo, Aksyon Radyo Iloilo

ILOILO CITY, October 6, 2020 — Gin-report sang Department of Health (DOH) 6 ang 193 ka bag-o nga kaso sang COVID-19, 163 ka new recoveries kag siyam ka new deaths sa Western Visayas subong nga adlaw, Oktubre 6.

Bangud sini, nagalab-ut na sa 12,683 ang total cases sang COVID-19 sa rehiyon –3,742 pa ang active cases; 8,661 na ang naka-recover kag 280 ang napatay.

Sa bag-o nga mga kaso, pinakamadamo ang na-record sa Iloilo City nga 71; ginasundan sang sang Capiz nga may 37, Bacolod City -34, Iloilo Province -31 kag Negros Occidental -20.

Na-record naman ang new recoveries sa Bacolod City -102, Iloilo Province -20, Aklan -16, Negros Occidental -12, Capiz -7, Guimaras -5 kag Antique -1.

Samtang sa siyam ka nadugang nga napatay, apat ang taga-Iloilo City, tatlo ang taga-Negros Occidental kag duha ang taga-Iloilo Province. | via DOH 6