By: JoMaque | Oktubre 7, 2020

Nagpangibabaw ang kahadlok sa Dios ni Mr. Arnel Parreño rason nga gin-turn over niya sa Barotac Viejo Police Station ang kahita nga nakita niya nga may unod P13,310 cash.

Nakita ni Parreño ang kahita las 11:00 kaina sang aga sa parking area sang mga motorsiklo sa atubang sang public market.

Gindala pa niya sa ila balay ang kahita sa pagpati nga may mangita.

Apang pag-abot las-singko sang hapon, wala sa gihapon sang may nagkadto sa iya rasun gindala niya kag ginturn-over ang kahita sa Barotac Viejo Police Station.

Ginsaysay ni Parreño nga nadulaan man siya sang una sang inugbayad sa motorsiklo, gani nahangpan niya ang nabatyagan sang tag-iya sang nadula nga wallet.

Gin-ako man ni Parreño nga nagakinahanglan man siya sang kwarta bangud permi lang sila wala customers nga nagapa-gunting.

“Kun sa kinahanglan, kinahanglan ko man ang kwarta kay lubong man ako sa utang kag pigado man ang akon income subong. Pero nagpangibabaw ang kahadlok ko sa Dios,” suno kay Parreño. | via Aksyon Angel Mae Ciudad

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply