By: Aine Grace Bravo, Aksyon Radyo Iloilo

ILOILO, October 7, 2020 – Kabahin sang programa ni Police Regional Office 6 Director Brigadier General Rene Pamuspusan nga mapabaskog ang law enforcement operations ang Birada Semana Operation sang Iloilo Police Provincial Office.

Paathag ni IPPO OIC Colonel Gilbert Gorrero, sa mga police stations nga masaku, ginmandu ni Pamuspusan ang isa ka semana nga pagtutok sa operational tasking sa diin maga-concentrate ang kapulisan sa mga operasyon kontra illegal drugs, illegal gambling, pag-aresto sang mga wanted persons kag iban pa.

Gin-athag ni Gorrero nga ginahimo man ang Birada Semana Operation sa iban nga mga probinsya.

Sa ikatatlo ka adlaw sang Birada Semana Operasyon kahapon, Oktubre 6, nakahimo na ang kapulisan sang asud-asod nga anti-illegal drug operations, masobra 20 ka loose firearms nga na-recover kag masobra 20 ka wanted persons ang nadakpan. | via BBB

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.