By: Aine Grace Bravo, Aksyon Radyo Iloilo

ILOILO, October 8, 2020 – Dapat maghatag sang kaathagan ang DILG kun paano ipatuman sang local police ang pagdumili sang videoke kag iban pa nga magahud nga aktibidad samtang nagapadayon ang online classes kag iban pa nga school-related activities agud indi ma-distract ang mga estudyante nga naga-adjust pa sa blended learning system.

Suno kay Iloilo Police Provincial Office OIC Colonel Gilbert Gorero, wala sang otoridad ang mga pulis sa pag-implementar kun wala sang Executive Order ang local chief executive, ukon wala sang ordinansa ang LGU.

Kun may magreklamo, pero wala sang EO ukon ordinansa, manaway lang ang mga pulis suno kay Gorero.

Ang pinakamadasig nga paagi agud mapatuman ang hingyo sang DILG, suno kay Gorero, amo EO sang local chief executive. Pero mas maayo pa gid kun may ordinansa agud may ngipon ang pagdumili sang videoke ukon iban pa nga magahud nga activities samtang nagatuon ang mga estudyante sa ila balay. | via Firingline

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.