Mga religious leaders sa Bingawan, nagtipon para sa Ecumenical Prayer for Unity and Healing
By: Aine Grace Bravo, Aksyon Radyo Iloilo
BINGAWAN, Ilo., October 8, 2020 – Ginpasalamatan ni Mayor Mark Palabrica ang paghugpong kag pagtingub sang mga religious leaders sa banwa agud pangunahan ang Ecumenical Prayer for Unity and Healing kaina.
Suno kay Palabrica, daku nga bulig ang aktibidad sa spiritual kag mental health sang mga frontliners kag mga pumuluyo, sa tunga sang COVID-19 pandemic.
“Prayer is the most power weapon, ilabe na gid subong nga nagapangatubang kita sang giyera sa diin we have an unseen enemy,” suno sa alkalde.
Ini ang labing una nga tiun, suno kay Mayor Palabrica, nga nagtingub ang lain-lain nga religious leaders sa banwa agud magpangamuyo para sa paghugpong kag pag-ayo sa tunga sang pandemya. | via BBB