By: JoMaque | Oktubre 11, 2020

ILOILO CITY — Mas ginpahapusan sang Iloilo City Government ang sistema sa pagbaton sa mga locally stranded individuals (LSIs) kag returning overseas Filipinos (ROFs) sa siyudad sang Iloilo.

Ini ang ginpahayag ni Iloilo City Mayor Jerry Treñas kasunod nga ginpasugtan na ang pagbaton sa mga LSIs kag ROFs.

Suno kay Treñas, wala na gina-require ang mga LSIs sang negative RT PCR test result halin sa ila place of origin bangud madamo ang naga-reklamo nga namahalan sila.

Pero kinahanglan nila gihapon sang medical certificate, travel authority kag certificate of acceptance.

Pasugtan sila nga magderitso sa ila balay kag mag-home quarantine. Gin-athag ni Treñas nga pwede man sila magtiner sa mga quarantine facilities pero ang ila na pamilya ang mapakaon sa ila.

Samtang ang mga ROFs naman, pwede na sila mag-deritso sa ila balay pag-abot sa siyudad kag indi na pagpaidalom liwat sa RT PCR test.

I-monitor lang sang BHERTs ang mga LSIs kag ROFs samtang sila ang naka-home quarantine sang 14 ka adlaw.

Kun luyag naman nila nga magpaidalom sa RT-PCR test, sila na ang mabayad kag nakahanda ang siyudad magpatigayon sa pag-test sa ila.

Napahibalo na sang alkalde ang National kag Regional IATF sa amo nga sistema. | Via Aksyon Hotline

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply