By: Aine Grace Bravo/Ariel Solacito

ILOILO CITY, October 12, 2020 — Pareho na nga nagpasugot ang Iloilo City kag Bacolod City LGUs sa pagbalik byahe sang mga fast crafts.

Ini ang ginkumpirmar ni MARINA 6 Director Jose Venancio Vero.

Pero suno kay Vero, may meeting pa siya kaupod ang mga operators sang mga shipping companies lakip ang tiglawas halin sa Philippine Coast Guard sang Bacolod kag Iloilo City sa Huwebes, Oktubre 15, via Zoom.

Luyag, suno sa iya, sang mga operators nga ma-athagan kun sin-o ang pwede nila nga mapasakay sa tiun nga mabalik na ang ila byahe.

Ginkunsiderar man nila nga limitahan lang anay sa mga pasahero halin sa siyudad sang Iloilo kag Bacolod City ang makasakay bangud sila pa lang nga mga LGUs ang nagpasugot.

50 percent seating capacity gihapon ang ipatuman.

Ginkumpirmar man ni Vero nga wala pa sang request ang mga operators nga pasakaan ang pamasahe.

Pagkatapos sang meeting sa Huwebes, mahibaluan na kun mabalik na gid man ang byahe sang mga fastcrafts. | via Aksyon Reports Afternoon Edition

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.