By: JoMaque | Oktubre 12, 2020

Nagapati ang pamilya ni Rose Bering, ang 28-anyos nga babaye nga nasapwan patay sa Brgy. San Juan, Dumarao, Capiz sang Sabado sang aga, Oktubre 10, nga nadalahig lang siya sa luyag magpatay sa lalaki nga nasapwan man sa Dumalag, Capiz.

Suno kay Roy Bering, manghod ni Rose, wala sila sang may nahibaluan nga kontra sang iya nga magulang.

Huwebes, Oktubre 8 mga la 1 sang hapon ang ulihi nga pag-istoryahanay nila ni Rose nga naglisensya nga malakat sa Lambunao upod ang lalaki nga agud magkadto sa pamilya niya.

Ginpahayag ni Roy nga indi niya personal nga kilala ang lalaki pero nabatian lang niya nga collector ang lalaki kag ginatawag sang iya nga magulang nga “Erlon” kag lain man ang iya nga Facebook account.

Wala sang ideya si Roy kun may relasyon si Rose kag ang lalaki pero iya ginpahayag niya nga masami ginasugat sang lalaki si Rose sa iya nga boarding house agud maglagaw, halin sang nagtenir siya diri.

Ginpakilala man sadto ni Rose ang lalaki sa iya pero wala na gin-mind ni Roy ang iya pangalan kag detalye.

Masobra na tatlo ka semana nga nagatinir sa boarding house ni Roy si Rose. Ginpahayag sang iya magulang nga nag-away sila sang iya live-in partner sa Ivisan, Capiz rason nga naglakat siya sa Iloilo.

Madamo sang gina-text ang iya nga magulang gani may posibilidad nga amo ini ang ila gin-awayan.

Nakibot na lang si Roy sang ginpahibalo siya sang pulis nga nasapwan patay ang iya nga magulang sa Dumarao.

Posible nga may grupo sang tawo nga nagpatay sa lalaki pero nadalahig lang ang iya nga magulang bangud upod sila suno kay Roy.

Posible man suno sa pamilya nga konektado man ini sa background sang lalaki nga suno sa iya, nakaagi preso.

Nagalibog ang ulo sang pamilya nga nakalab-ut na sa Capiz ang bangkay ni Rose bisan sa Lambunao ang ulihi niya nga lisensya. | via Aksyon Farrah Mae Morano

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply