By: JoMaque | Oktubre 12, 2020

Apat ka mga probinsya sa Western Visayas ang nalakip sa 32 ka priority provinces nga kadtuan sang mga enumerators sang Philippine Statistics Authority ukon PSA enumerators para sa ipatuman nga pre-registration sang National ID system sugod subong nga adlaw, Oktubre 12.  

Ini amo ang Antique, Capiz, Iloilo kag Negros Occidental.

Ang pre-registration process para sa national ID system nga naga-involve sang house-to-house collection sang ngalan, edad, kag iban pa nga demographic information sa initial nga lima ka milyon ka mga low-income household heads sa selected provinces.

Una na ginpahayag ni PSA Assistant Secretary Rosalinda Bautista nga naga-coordinate sila sa mga local government units para sa pag-establisar sang mga registration centers sa mga key areas sa mga siyudad kag munisipalidad.        

Ginpahanumdom naman sang PSA ang publiko nga magsunod sa health kag safety protocols sa pagahimoon nga pre-registration process.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply