By: JoMaque | Oktubre 12, 2020

Naka-record ang Department of Health 6 sang 157 ka bag-o nga kaso sang COVID-19, 245 ka mga nag-ayo kag duha ka mga napatay subong nga adlaw, Oktubre 11, 2020.

Sa bag-o nga mga kaso, 149 diri ang local cases, pito ang LSI kag isa ang Authorized Person Outside of Residence (APOR).

Nagpanguna ang Negros Occidental sa may pinakamadamo nga new cases nga naglab-ot sa 54; Ginasundan sang Iloilo City nga may 36; Bacolod City nga may 35; Iloilo Province nga may 26; kag Capiz nga may apat; kag tag isa sa Antique kag Guimaras.

Pinakamadamo naman ang mga nag-ayo halin sa Iloilo City nga may 210; Sunod ang Negros Occidental nga may 13 kag tag-11 sa Capiz kag Iloilo Province.

Lunsay naman taga-Bacolod City ang duha ka mga napatay.

Sa kabug-usan 13, 573 na ang kaso sang COVID-19 sa Rehiyon 6—3,759 diri ang active cases; 9,489 na ang mga naka-recover kag 325 ang mga napatay. | via DOH 6

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply