Mga bars kag restaurants sa Iloilo City, ginhaylo ni Mayor Jerry Treñas nga magbutang sang protective barriers agud liwat maka-operate

By: JoMaque | Oktubre 13, 2020

Ginhaylo ni Iloilo City Mayor Jerry Treñas ang mga bars kag restaurant owners nga mag-put up sang protective barriers agud liwat nga makaserbe sang mga ilimnon.

Ginpahayag ini ni Treñas sa iya Facebook post. Base sa post sang alkalde, iga-check sang siyudad sa masunod nga semana ang nasambit nga mga establisemento agud masiguro nga nasunod ang instruction.

Suno kay Treñas, nahangpan niya nga kinahanglan man sang mga bars kag restaurants nga maka-operate agud mabayaran ang ila mga staff nga tuman man ka apektado.