Biyahe sang mga fastcrafts Iloilo City-Bacolod City vice versa, indi pa makasugod subong nga adlaw suno sa MARINA 6 bisan nakapaguwa na sang EO si Iloilo City Mayor Jerry Treñas

By: JoMaque | Oktubre 14, 2020

Iloilo City — Indi pa makasugod subong nga adlaw, Oktubre 14, ang biyahe sang mga fastcrafts halin Iloilo City pa-Bacolod City vice versa.

Ini ang pag-athag ni MARINA 6 Director Jose Venancio Vero, bisan nagpagguwa sang Executive Order No. 167 si Iloilo City Mayor Jerry Treñas nga nagapahanugot sang pag-resume sang biyahe sang fastcrafts sugod Oktubre 14.

Suno kay Vero, may meeting pa siya sa Huwebes, Oktubre 15, upod sa mga operators sang fastcrafts para istoryahan ang mga protocols sa ila pagbalik biyahe.

Nagpasalig si Vero nga mahibaluan gilayon pagkatapos sang meeting kun san-o maumpisa biyahe ang mga fastcrafts. | via Aksyon Angel Mae Ciudad