.45 caliber nga gingamit sa twin murder cases sa Capiz, indi pareho — Crime Lab 6

By: JoMaque | Oktubre 15, 2020

Iloilo City – Lain ang .45 caliber nga gingamit sa pagpatay sa duha ka nasapwan sa Capiz suno sa Crime Laboratory 6.

Suno kay Col. Enrique Ancheta, chief sang Crime Lab 6, gin-subject sa ballistic examination ang mga recoveries sa shooting incidents sa Dumalag kag Dumarao sang Oktubre 10 kag nadiskubrehan nga indi compatible ukon lain ang .45 caliber nga gingamit sa pagpatay kay Rose Bering sang Anilao kag lain man nga .45 caliber ang gingamit sa pagpatay kay Erlon Lego sang Lambunao.

Tatlo ka basiyo sang .45 caliber ang na-recover sa area sa San Juan, Dumarao sa diin nasapwan si Bering, samtang tag-isa ka basiyo sang .45 caliber kag .9mm naman ang na-recover sa Brgy. Dolores, Dumalag sa diin nasapwan si Lego.

Gin-subject sa paraffin test ang mga biktima kag negatibo ang resulta.

Natalana man i-subject sa cross matching examination ang mga recoveries agud mahibaluan kun narehistro sa Philippine National Police ang mga pusil nga gingamit sa mga krimen.

Paagi sini, mahibaluan kun narehistro kag nakaagi man gamit sa iban nga insidente ang gingamit nga mga pusil sa twin murder cases sa Capiz. | via Aksyon Aljohn Torreta