By: Aine Grace Bravo/Angel Mae Ciudad, Aksyon Radyo Iloilo
METRO MANILA, October 16, 2020 — Liwat nga nagsaka ang numero sang mga new cases sa COVID-19 nga gin-report sang Department of Health humalin kahapon (Oktubre 15 tubtob subong nga adlaw (Oktubre 16).
Base case bulletin number 216 nga ginpaguwa sang DOH, 3,139 new cases ang nagdugang sa ila listahan.
Ang mga lugar nga may pinakamadamo nga new cases sa pungsod amo ang:
NCR — 1,003
Cavite — 206
Rizal — 175
Laguna — 138
Iloilo — 126
Bangud sini, naglab-ut na sa 351,750 ang COVID-19 cases sa Pilipinas.
786 naman ang naka-recover sa COVID-19, rasun nga nagdangat na sa 294,865 ang mga nag-ayo.
Samtang, 6,531 na ang na-record sang DOH nga napatay sa COVID-19 sa pungsod bangud 34 nga nagdugang. | via DOH