Western Visayas, wala sang na-record nga nadugang nga napatay sa COVID-19 sa latest bulletin
By: Aine Grace Bravo, Aksyon Radyo Iloilo
ILOILO CITY, October 16, 2020 — Wala nadugangan ang numero sang mga napatay sa COVID-19 base sa data sang DOH 6 subong nga adlaw.
Bangud sini, nagapabilin sa 347 ang total deaths sa rehiyon.
Nagalab-ut na sa 14, 352 ang kaso sang COVID-19 sa Western Visayas bangud sa 160 ka new cases nga na-record halin sa walo ka laboratories.
Na-record ang new cases sa:
Bacolod City — 63
Iloilo City — 58
Iloilo — 22
Negros Occidental — 15
Aklan — 2
146 ang nagdugang nga naka-recover sa COVID-19 rasun nga nagdangat na sa 10, 964 ang nag-ayo sa Rehiyon 6. | via DOH 6