By: JoMaque | Oktubre 19, 2020
Aksyon Radyo Iloilo

Iloilo City — Napulo (10) pa lang ka mga pulis halin sa Police Regional Office 6 ang initial nga naaprobahan para sa ila reassignment sa idalum sang Localization Deployment Program sang Philippine National Police.

Suno kay PRO 6 Spokesperson Police Colonel Joem Malong, ang mga pulis ang nalakip sa simultaneous send-off ceremony sang programa sang Oktubre 14.

83 ka mga pulis suno sa iya ang nag-signify para sa reassignment pero 10 lang ang gin-aprobahan base man sa evaluation sang PNP national headquarters.

Nagpasalig naman ang national headquarters nga may masunod pa nga batch nga iga-reassign sa ila tagsa ka rehiyon.

Lakip sa mga requirements para sa nasambit nga programa ang affidavit of undertaking nga nagapahayag nga sa tiun ma-reassign sa ila tagsa ka rehiyon ang personnel, indi na sila pwede makabalik ukon makapa-reassign liwat sa iban pa nga rehiyon.

Katuyuan sang programa nga mangin malapit sa iya pamilya ang pulis kag indi siya makapang-abuso sa poder suno kay Malong. | via Aksyon Hotline, Oktubre 17, 2020

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply