By: JoMaque | Oktubre 19, 2020

ILOILO CITY – Yara na sa 14,606 ang kaso sang COVID-19 sa Western Visayas sang nadugang ang 127 new cases kahapon, Oktubre 18.

Base sa case bulletin No. 205 sang Department of Health 6, 121 gid ang local cases sa bag-o nga kaso samtang apat ang locally stranded individuals (LSIs) kag tag-isa ng returning overseas Filipino (ROF) kag Authorized Person Outside Residence (APOR).

Sa new cases, 52 ang halin sa Negros Occidental; 29 sa Bacolod City; 24 sa Iloilo City; 13 sa Capiz; kag 9 sa probinsiya sang Iloilo.

Sa kabug-usan nga kaso, 3,115 pa ang active cases.

Samtang nadugangan naman sang 56 new recoveries ang rehiyon – 32 halin sa Capiz, 18 sa Iloilo City kag 6 sa Iloilo Province. Bangud sini, 11,144 na ang naka-recover sa rehiyon.

Wala naman sang nadugang nga fatality rason nga nagapabilin sa 347 ang nagkalamatay sa rehiyon 6 bangud sa COVID-19. | Via DOH 6

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply