6 MDRRMO personnel sang Oton LGU, nagpositibo sa COVID-19; MDRRMO, sirado halin Oct. 19-25 para sa disinfection

By: Aine Grace Bravo, Aksyon Radyo Iloilo

OTON, Ilo., October 19, 2020 – Anum ka personnel sang Municipal Disaster Risk Reduction and Management Office (MDRRMO) ang nagpositibo sa COVID-19.

Bangud sini, sirado ang amo nga opisina halin subong nga adlaw, Oktubre 19, tubtob sa Oktubre 25, 2020 para sa disinfection.

Suno kay Mr. Jafet Salinas, COVID-19 Focal Person sang Oton LGU, asymptomatic ang mga nagpositibo kag naka-quarantine na. Nakahimo naman sang contact tracing, kag na-swab na ang mga close contacts.

Gin-ako ni Salinas nga palaligban pa kun paano na-infect ang isa ka team.

Ginsapol naman ni Mayor Carina Flores ang taga-Rural Health Unit nga amo ang temporaryo nga magabulos sa mga katungdanan sang MDRRMO kun may mga emergencies.

Base sa record, suno kay Salinas, ang Oton may 194 ka total cases sang COVID-19, lakip ang lima ka napatay.

Pero 39 na lang ang active cases.

Na-record naman sang Sabado, Oktubre 17, ang pinakamadamo nga kaso nga naglab-ut sa 18. | via Firingline