By: JoMaque | Oktubre 20, 2020

Tigbauan– Nagpatuman sang mga pagsulundan ang Local Government Unit sang Tigbauan para sa mga luyag magkadto sa patyo  para sa pista minatay.

Suno kay Major Rolando Araño, hepe sang Tigbauan Police Station, kinahanglan magkuha ang indibidwal sang Travel Declaration Card sa ila barangay officials kag i-fill-out ini.

Ipresentar ang TDC sa entrance sang Tigbauan Public Cemetery.

Kun wala sang TDC halin sa barangay, mahimo maka-fill out sini antes makasulod.

Sa pagpresentar sang TDC, hatagan sang control card ang indibidwal agud makasulod sa patyo.

Nagadepende sa color sang control card ang katuyuan sa pagkadto sa patyo. May numero man ang control card.

One entrance, one exit policy ang ipatuman kag kinahanglan magsuksok sang face mask, kag face shield kun mahimo, kag pag-observe sang physical distancing.

May mga pulis, katapo sang Bureau of Fire Protection, Municipal Disaster Risk Reduction and Management Office, kag iban pa nga mga force multipliers sa pagpatuman sang minimum health standards.

Pwede makakadto sa Tigbauan Public Cemetery halin subong tubtob Oktubre 28, halin 7:00 AM tubtob 6:00 P.M.

Una na nagmandu ang Inter-Agency Task Force nga dapat sirado ang mga patyo kag columbarium sa sa Oktubre 29 tubtob Nobyembre 4, 2020 agud mapunggan ang paglapta sang COVID-19.

Ginadumilian naman ang pagbaligya sang bulak, kandila, kag pagkaun sa sulod sang 100-meter radius halin sa main entrance sang patyo. | via Aksyon Aljohn Torreta

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply